YEN RUSTAM
~ Isak Mangana Untuang ~

Ciptaan: -

Batang kalapo tumbuah sabatang
Tumbuah sabatang di dalam rimbo
Badan nan sansai kama batenggang
Mande nan bansaik ayah tiado

Tabang malayok si buruang murai
Inggok di dahan rantiang mati
Sajak ketek iduik marasai
Lah gadang kini baibo hati

Jikok tadanga pupuik sarunai
Manusuak ibo ka lubuak hati
Tabayang ayah di ruang mato....
Hati den ibo maliek mande
Siang jo malam mambantiang tulang
Bilo masonyo nasib barubah.....

Taisak mande mangana untuang
Dulu baduo kinilah surang

Badabuak ombak di pantai padang
Ombak mahampeh ka batu karang
Jikok dikana ayah nan hilang
Nan aia mato balinang-linang

.... MP3 Music Player ....

Petunjuk !!! :

• Klik tombol "play" untuk mendengarkan lagu.
• Keraskan volume speaker komputer anda jika suara lagu tidak begitu terdengar.